Wenn dat jichtens geiht, höllt man sick buten an de frische Luft up. Girn sitt man in Niestadt an’n Haven un schnuppert frische Seeluft. Aver, wenn de Dagen kötter ward brickt de düster Johrestiet an. De Harvststorm feegt de Bläder vun de Bööm, de gröne Rasen waßt nich mehr, alles giffft sick to Roh bit um Fröhjohr. De Minschen paßt sick an. Nu sitt man Avends ok mal wedder girn in de gaude warme Stuuv. Mit‘n heiten Fledergrog mit Schuß is ok waat fines. Bi Schietweder hett de Glotzkassen wedder sien Darseinsberechtigung. Dat Programm mit de veelen Krimis un Dramen kiek ick nich. Sleit mi up de Seel! De Dagesschau is Pflchtprogram odder Sport un Naturfilme. Dat Programmheft wies di noog in Öbermaat. Wenn mal an’n Avend nix dorbi is, dann legg ick mi ne schöne CD up. Am leevsten de olen Schlager mit Udo Jürgens „Griechischer Wein“ und Jürgen Drews „Ein Bett im Koornfeld“. Aver ok de Schwarzmeerkosacken, dat Leed „Erbarme dich unser“. Twischendörch een Glas Rotwien un Papa Blues Viking Jazzband mit „Everybody loves Saturday Night“ un „What a wonderful World“ Bün ok girn mal in’n Kroog. Tau schön, beten wat dröhen över de Angeli, de Jagd, sludern över anner Lüüd, dorbi komodig poor pflegte Beer drinken. So kümmt man över de düster Johrestiet. Man freit sick up den hilligen Avend mit de Enkelkinner un wat uns woll dat tokamen Johr beschert?