Wenn man öllerhaftig ward, is je allens nich mehr so, as dat mal ween is .De Johren verlangt dat Toll. Mal knippt dat hier, mal knippt dat dor. De Dokter verschrift di Pillen un de drütten Thän sünd an de Reeg. Verschleißdeele för den minschlichen Boddy staht praat. Nee Hüften, nees Knee, ok nee Innereien. Dat best Rezept, üm düssen Taustand beten wat in de Läng to trecken, is Bewegung un noch mal Bewegung, leifig Spazieren gahn, Rad fohren, Rudern, Danzen un Gymnastik. So lang dat geiht! Op best buten ünner de Sünn un in de frische Luft. So‘n Fitnisstudiois is för mi överhalt. Is nich mien Pläseer. De Sweetluft bekümmt mi nich. Dat Loopband vertuusch ick lever buten an de frische Luft un wenn babento noch de Sünn schient, üm so lever. Musik bruuk ick nich dorto. Aver, jedeen sien Pläser. Genetisch stickt in uns Minnschen dat Leven as Jäger un Sadat Leveners noch in de Knaken. Bewegung to de Tiet weer lebenswichtig un normal. In uns hütige Tiet sitt de halve Generation vör’n Cumputer odder för dat Smartphon un googelt in’t Internet. Abends sitt wi för den Glotzkassen. Dat allens sünd nee Errungenschaften, de uns krank maakt. As Kinner speelten wi buten, bi jedeen Weder: Hahn ick seih di, Kippelkappel, blinde Koh, Hüpfspeele un noch veel mehr. Bewegung weer domals querbeet normal. Wat ween is, is vörbi. Dat Tietöller ward sick vun Johr to Johr ännern leider nich tum gauden. De globale Erderwärmung geiht vöran. De Waterspegel sticht un sticht. Is bots noch de Fraag, wann wi afsuupt? De Holllänner ward de ersten sien .Dormit mütt sick de tokamen Generatioen mit afgeben. Hüüt is hüüt! Sick freien, dat de Sünn noch schient un wenn man moorns
in den Spegel kickt, sien Gegenöver süht. De Hobbys pflegen un uns een „Schönen Daag“ wünschen!