Haben Sie Lust auf einen kleinen plattdeutschen Beitrag? Bitte sehr. Sonny Holst, 93 Jahre alt, schreibt für uns kleine Beiträge zu aktuellen Themen. In diesem geht es um moderne Zeiten und welchen Blick man als älterer Mensch auf heutige technische Errungenschaften haben kann. Aber lesen Sie selbst.
Wokeen hütigendaags keen Smartphon hett is achter rut. So a sick. Bün in een anner Welt ankamen. Girn denk ick an vergann Tieden trüch. Weer allens komodiger un nich so öberdreiht. Een App jagt dat annere. Weets nich wat du mit Intergramm un Podcast anfangen schast. Mit een Anroid odder Smartphon süht dat heel nich anners ut. In’n Browser kannst wat finnen wat du söchst. You Tube sünd vör mi Fremdwörr. Up de Websiet kannst wat downladen odder streamen. De Wederbericht heit nu Klima Update. Annerletz kreech ick int Huus een Anfrag, wat je nu Support heit. Ick schull up QR Code trüch snacken. Dit appelwatsche Quatrat heff ick nich! Wiel je ok nich güng, wiel ick ut dat anner Johrhundert bün. Dor ward di een Appel Watsh anbaden, vör veel Geld. To mien Tied sä man dortau eenfach Klock. En Büx vör buten nömt sick hütigen Daags een Büx vör Workout. Wo leevt wi egentlich ? Wenn du de Fautballergebnisse verpasst hest, kicks in’t Intertnet. In de Coronatieden hebbt je veel Lüüd in Home Office arbeit. Wat heiten schallt to Huus arbeiten! Cyberangriffe harrn wi domals ok nich. Weet gonnich wat dat is? Wenn du een Mail, also eene Naricht schrieben wist, müß eistmal de Cukies ut’n Wech rümen. Un so geht dat jümmers wieder. Allens up inglisch. To mein Tied harn wi in de Schaul keen Inglisch Ünnerrich. Bi uns stünn de Wehrmachtbericht vörn an. Würr je girn mit’n Datenfeed wieder maken, aver ick stieg dormit nich mehr dörch. Bün jüst froh, dat ick mit mien Computer kloor komm. Bi lörning bi duing heff ick dat in de Reeg kregen. Von den ganzen överspönschen Kraam, hett uns plattdüütsche Spraak Bestand. Över hunnert von Johren. Plattdüütsch snacken is Kulturgut. Ick wünsch jüch hier een best of. Sonny!